Det var klondykestemning under sildefisket dei første åra av perioden 1952-59. Den 16. februar 1953 skriv Ludvik N. Holstad i dagboka: – Frå i dag av er det vårsild dei finn. I går var det søndag, og til laurdag kveld klokka 24 var det fiska opp seks millionar hektoliter storsild. Det er eit veldig resultat når du kjem i hug den korte tida fisket varte, i grunnen berre skikkeleg 14 dagar. Det er litt meir enn i fjor. Men så er flåten større i år, og då blir det nok mindre på kvar lut likevel. Men 21 fiskarar har sett livet til berre på denne korte tida. Det er tungt.

Då sildefisket var på det rikaste, tok om lag 400 snurparar, 400 hjelparar og 200-300 drivarar del utanfor Sunnmørskysten. Ut på våren melde avisene kven som var dei beste sildesnurparane frå Sunnmøre i rekordsesongen 1956: Bell (Ulstein) 33.500 hl, Barden (Ulstein) 31.650 hl, Flømann (Hareid) 31.000 hl, Hvalrossen (Hareid) 23.350 hl, Bard (Hareid) 22.000 hl, Islendingen (Hareid) 17.000 hl, Kvitnes (Hareid) 17.000 hl, Øyulf (Hareid) 26.300 hl, Johan E (Hareid) 26.200 hl, Skarbak (Hareid) 25.000 hl, Gandal (Ulstein) 21.000 hl, Polaric (Hareid) 20.300 hl, Eystein Orre (Hareid) 20.000 hl, Grøyven (Ulstein) 16.000 hl, Tampen (Hareid) 15.800 hl, Nordingen (Hareid) 15.000 hl, Flemsøy (Hareid) 15.000 hl.

I januar 1957 trykte Vikebladet lista over snurparane frå Ulstein og Hareid som låg klar for vintersildfisket. I alt var det 29 båtar, fem av dei frå Ulstein. Namnet på skipperane står i parentes: Bangavåg (Ingolf Moldenes), Bard (Toralf Flø), Brandal (Johs. Brandal), Eystein Orre (Olav Rise), Fangst (Gudmund Hovden), Fangstmand (Ola Nybø Bigseth), Flemsøy (Karl J. Brandal), Flømann (Hans Flø), Hareid (Sigurd Korsnes), Hvalrossen (Norvald Liavåg), Isflora (Knut Johannessen), Islændingen (Eivind Kleiven), Johan E (Olav J. Hareide), Kvitnes (Peter Hareide), Melshorn (Monrad Pilskog), Minna (Ingolf Røren), Nordingen (Johan Waage), Polaric (Olav Aasmo), Polarsel (Martinus Brandal), Signalhorn (Johs. Aksnes), Skarbak (Oddmar Bigset), Tampen (Henrik Hareide), Øyulf (Leiv K. Hareide), Aarvak (Anton Pilskog), Barden (Ole Wiik), Bell (Simon Spjutøy), Gandal (Arthur Bakke), Grøyven (Johan Garshol), Sjannøy (Oskar Garnes).

Fredag 1. mars dette året låg det kring 60 store snurparar og havgåande båtar utanfor Hareid – i tillegg til mindre lokale fiskebåtar; eit imponerande, ja, nesten overveldande syn for bygdefolket.

Til vintersildfisket i 1958 tok desse snurparane frå Ulstein og Hareid del: Bangavåg med Ingolf Moldenes som skipper, Bard (Toralf Flø), Barden (Ole Wiik), Bell (Simon Spjutøy), Brandal (Johs. Brandal), Eystein Orre (Olav Rise), Fangst (Oddmund Hovden), Fangstmand (Ola Nybø Bigseth), Flemsøy (Karl J. Brandal), Flømann (Hans Flø), Grøyven (Johan Garshol), Hareid (Sigurd Korsnes), Hareidingen (Leif K. Hareide), Hvalrossen (Norvald Liavåg), Isflora (Knut Johannessen), Islændingen (Einar Kleiven), Johan E (Olav J. Hareide), Kvitnes (Peter Hareide), Melshorn (Monrad Pilskog), Minna (Ingolf Røren), Nordingen (Johan Waage), Polaric (Olav Aasmo), Polarsel (Martinus Brandal), Signalhorn (Bjarte Brandal), Sjannøy (Jon Hamar), Skarbak (Oddmar Bigset), Tampen (Henrik Hareide), Vabak (Erling Vågnes), Øyulf (J. B. Bakke), Aarvak (Anton Pilskog).