Den 15. juli 2009 vart avfallsplassen på Eidet lagt ned. SSR ville i 2010 starte med å tilbakeføre området til slik det ein gong var. Avfallsplassen på Eidet var opna i 1994, og i 2005 var SSR 25 år. På slutten av 1990-talet hadde SSR opna sortertingsanlegg for grovavfall i Saunesmarka. Litt etter kvart dukka ein ny idé opp; kva med å gjere den gamle grovavfallsplassen på Eidet til hageavfallsplass? Slik vart det, og slik er det den dag i dag.
I starten av desember 2010 var det offisiell opning av den nye miljøstasjonen til SSR i Saunesmarka. Her kunne folk sortere avfallet sitt sjølv. Containerane var godt merkte, og der var tilsette som kunne hjelpe folk til rette om det trongst. Mesteparten av avfallet skulle gå til gjenvinning.
Ei anna stor sak kring SSR i 2010 var at selskapet hadde hamna i eit økonomisk uføre og hadde vanskar med å betale ut lønningar våren 2010. Underskotet hadde vakse til nærare 10 millionar kroner, så det måtte takast grep for å få skuta på rett kjøl. No ville dei styrande organa ha profesjonelle folk inn i styret, og slik vart det.
