Terje Eiken har gjort ein stor jobb i korpslivet i Ulstein, som dirigent, instruktør og inspirator. Han er utnemnd til æresmedlem i Musikklaget Ulf.
Terje kom med i Ulf som 13-åring i 1959 og la opp gjennom åra ned eit betydeleg arbeid, ikkje berre i Ulf, men også som dirigent og instruktør for Skulekorpset, Storbandet og på mange andre område når det gjeld musikklivet i det store og heile.
Etter sesongslutt i 1991 bad Terje om avløysing som dirigent i Musikklaget Ulf. Bortsett frå korte avbrot hadde han då dirigert korpset frå 1976, då han tok over etter Toralf Gjerde.
Terje fekk utdanninga si frå lærarskulen i Volda, der han, liksom dei tidlegare dirigentane Enok Hasund og Karl Alme, fekk grunnleggande utdanning i song- og musikklære.
Terje Eiken har vore dirigent og instruktør i ei rekke korps på Sunnmøre. Han var leiar i Sunnmøre Hornmusikk i seks år og styremedlem i ytterlegare fem. Han har vore leiar i Møre og Romsdal krets av NMF i seks år, og vore styremedlem og hatt ulike andre verv i mange år. Han har mellom anna vore administrativ leiar av NMF-sommarskulen i 10 og vore nestleiar i NMF-region vest i to år. Terje var leiar i plannemnda for Ulstein kulturskule, leiar i kulturskuleutvalet og rektor der i ein overgangsperiode. Som medlem av Ulstein konsertlag har han vore arrangør for Rikskonsertane i 10 år.
Terje var leiar i plannemnda for Ulstein kulturskule, leiar i kulturskuleutvalet og rektor der i ein overgangsperiode.
