Svein Eiksund har lagt ned ein stor innsats i musikklivet i Ulstein gjennom fleire tiår. Mest kjend er han for arbeidet sitt med blandakoret Con Moto som har vore ein fin tilvekst til korlivet i Ulstein.
Eiksund har undervist både ved Ulstein vidaregåande skule (20 år – musikk) og Ulstein ungdomsskule (46 år). Dei siste åra som rådgjevar. Han var med i initiativgruppa som starta Ulstein musikkskule (1974). Svein tok over taktstokken i Con Moto etter broren Oddvar i 1982, og har no dirigert koret i 32 år. Som iderik og kreativ korleiar svinga han Con Moto til dei populære høgder gjennom showprega revyar og konsertar utover på 1980-talet. Koret har også vist breidde gjennom seriøse konsertar og cd-innspelingar.
Det har vore langt meir enn Con Moto. Eiksund har dirigert ti kor, mellom desse Sunnmøre kr. Mannskor (20 år), Vartdal blandakor (11) og Sunnmøre Festivalkor (9). Til saman kan han i 2014 notere 95 korår. Han har dirigert kor på over 20 internasjonale korfestivalar og samarbeidd med ei rekke kjende solistar som Bengt Hallberg, Karin Krogh, Mona Julsrud, Henning Sommerro og Rein Alexander; for ikkje å snakke om fargerike og spesielle Olga Marie Mikalsen. Svein Eiksund har halde dirigent- og koristkurs ulike stadar i Noreg og verka som dommar i korkonkurransar over heile landet. Han har hatt verv både lokalt og nasjonalt. I 2007 vart han utnemnd til æresmedlem i NK Sunnmøre.
Svein Eiksund har halde dirigent- og koristkurs ulike stadar i Noreg og verka som dommar i korkonkurransar over heile landet. Han har hatt verv både lokalt og nasjonalt.
I 2007 vart han utnemnd til æresmedlem i NK Sunnmøre.
