Per Eide reknast i dag som ein av Norges mest allsidige fotografar. Han har ein BA i fotografi frå West Surrey College of Art & Design i England. Eide starta si profesjonelle karriere då han opna studio i 1981.
Sida den gong har han utmerka seg innan alt frå klassisk portrett, reklame, industri, landskap og fine art. Han har vore hovudfotograf på over 40 bøker, og praktboka ”På sporet av Norge” frå 2004 er utgitt på ni språk. I 2006 fekk han Noregs Fotografforbunds høgaste utmerking ”Gullmedalje med krans”.
I 1991 starta han med undervassfotografering, og han har vorte kåra til Noregsmeister fire gongar og Nordisk meister fem gongar. Han har også delteke i fire Verdsmeisterskap og vore i juryen i like mange. Saman med kona Berit Lyngstad har han heldt worskshops for om lag 250 undervassfotografar, og saman har dei laga artiklar til reise- og dykkemagasin i inn- og utland.
Per Eide har hatt mange utstillingar, og vunne fleire prisar og utmerkingar, både i inn- og utland. Han har også smykka ut hurtigrutene ”Polarlys” og ”Finnmarken”, samt hotell, kulturhus, kontor, ambassadar, cruisebåtar, oljeplattformar og eit 20-tals offshore båtar.
Per Eide har alltid gått nye vegar og stadig utfordra seg på nye felt. I 2014 tok han eit masteremne innan dokumentarfotografering. Dei siste åra har han arbeidet mykje med film. Han var blant anna ein av undervassfotografane på den Amanda-nominerte naturfilmen ”Havets sølv”.
Her heime er Per Eide mest kjend for sine storslåtte naturfotografi, og særleg gjennom sine mange bøker har han satt Sunnmøre og Ulstein på kartet.
I 2014 tok han eit masteremne innan dokumentarfotografering. Dei siste åra har han arbeidet mykje med film.
