Johannes H. Thorkildson var den første redaktøren av Vikebladet og sat som eigar og drivar i nærare 50 år. Han var utdanna typograf og starta avis og trykkeri i Ulsteinvik.
Måndag 21. januar 1929 kom det første nummeret av Vikebladet – «ei bodstikke millom folket i ytre Sunnmøre». Det var tronge tider på arbeidsmarknaden i 1929. Johs. Thorkildson kom året før til Ulsteinvik 23 år gammal.
I 1936 kjøpte Thorkildson seg tomt og bygde sjølv. Den andre ålesundaren hadde då for lengst flytta, og Thorkildson dreiv trykkeri og avis i lag med kona si, Esther. Redaktøren skreiv ikkje så mykje sjølv, men han var flink til å skaffe skribentar, og i bygdene var der mange skrivelystne og skriveføre. Ein av dei var H.B. Osnes. Alt frå 1930 vart Sverre Ottesen (19) fast tilsett. Seinare kom eldste son til Thorkildson, Rolf, med i arbeidet i trykkeriet. Dei aller første nummera av Vikebladet vart trykte i Ålesund, men Thorkildson kjøpte seg ei brukt presse, og den var i bruk heilt fram til midten av 60-talet.
Då Thorkildson nærma seg 70-årsalderen, måtte han sjå seg om etter folk som kunne overta. I 1974 vart 20-åringen Einar Ekroll tilsett som lærling. To år etter vart Johan Ottesen spurd om å bli redaktør. Saman med Thorkildson-familien danna desse to eit aksjeselskap, Vikebladet AS, og kjøpte inn utstyr for offset-trykkeri.
Han var utdanna typograf frå Ålesund og slo seg i lag med ein annan ålesundar og starta trykkeri i Ulsteinvik. Dei to stod som utgivarar av den nye avisa, som altså fekk det tvitydige namnet Vikebladet. Det kom ut i Vik, ein gong i vika, slik rettskrivinga var då.
