Asbjørn Flø har markert seg som politikar både på kommune- og fylkesnivå. Han har vore ordførar og har engasjert seg sterkt i eldrepolitikk.
Asbjørn Flø har vore bonde på Flø gjennom eit langt liv. Politisk har han høyrt til Senterpartiet, eit parti han har representert i Ulstein kommunestyre i heile 33 år, frå 1972 til 1995. Heile denne perioden sat han også i formannskapet. Han var varaordførar frå 1976 til han vart vald til ordførar i 1979. Han sat som ordførar i Ulstein i to periodar fram til valet i 1987, ein periode då utviklinga i kommunen tok til å skyte fart.
Men samfunnsengasjementet til Asbjørn rakk lenger enn til lokalpolitikken. I 1984 vart han vald inn på fylkestinget, og møtte der fast heilt til 1999, ein tidsepoke på 16 år. Han sat ein periode i skule- og undervisningsutvalet, men det var samferdselspolitikk som var hans hjartebarn. Såleis sat han i samferdselsutvalet i 12 år.
Asbjørn har vore skjønnsmann i Tingretten og sete i jordskifteretten i 30 år. Som pensjonist har han engasjert seg i eldrepolitikk og vore leiar i Ulstein eldreråd frå 2000 til 2007. Han er også styremedlem i Ulstein Pensjonistlag.
Asbjørn fekk hausten 2014 invitasjon saman med andre eldsjeler til Afternoon Tea hos Kongen og Dronninga på slottet.
Han var med og starta opp Flø Feriesenter, der han framleis er med. Asbjørn har vore programleiar i eit populært kveldsprogram i Bygderadioen i 10 år.
