André Nevstad er den med flest kampar for Hødd. Han spela 682 kampar og skora 91 mål før han la opp som aktiv fotballspelar. André var aktiv i perioden 1998 til 2008.
I heile denne perioden spela han for Hødd, berre avbrote av to sesongar med Molde FK (1993-94). I Molde FK vann han gull i NM i fotball for menn i 1994. André Nevstad blei kåra til årets spelar i 1-divisjon i 2004.
André har vore dagleg leiar i Hødd sidan 1999. Han har fått vere med på ei rivande utvikling der cupsigeren i 2012 og ferdigstilling av nye Høddvoll stadion i 2014 er dei to viktigaste hendingane. Mest imponerande er det daglege arbeidet som vert gjort for barn og unge i kommunen. I dag aktiverer Hødd over 50 lag og 600 aktive som trenar på Høddvoll kvar veke.
25. november 2012 blei Hødd cupmeistrar på Ullevål Stadion etter å ha vunne 4 – 2 over Tromsø i straffekonkurranse. Kampen enda 1 – 1 etter ordinær tid og ekstraomgangar. Cupsigeren er den største sportslege suksessen til Hødd.
I desember 2014 blei Nye Høddvoll stadion ferdigstilt. Det nye stadionet har ein tilskodarkapasitet på nærare 4.000 plassar. Stadion inneheld to tribune med sitjeplassar på kvar side av grasmatta. Det er eit framtidsretta stadion med undervarme, flomlys og alle fasilitetar som trengst for å drive toppfotball.
25. november 2012 blei Hødd cupmeistrar på Ullevål Stadion etter å ha vunne 4 – 2 over Tromsø i straffekonkurranse.
