Hugo Opdal er fotografen som har sett Flø på verdskartet gjennom Studio Hugo Opdal, der han har vist fram kunsten til nasjonale og internasjonale kunstnarar.
Hugo er fødd og oppvaksen i Overhalla i Nord-Trøndelag. Han jobba seg opp som fotograf, og ein periode dreiv han sitt eige studio i Oslo. I 1999 gifte han seg med seg med Hareidsjenta Ingunn Røyset. Dei har to born. Han vitja Flø første gongen i 1997. Dei kjøpte seg tomt nesten med det same og flytte dit i 1998.
Hugo livnærte seg som fotograf og etablerte studio – først i Ålesund – så i Convexbygget og til slutt på Krukkehuset i Ulsteinvik. Så vart det Flø. Han hadde lyst til å gjere eit eige prosjekt og skape galleri for å kome i kontakt og dialog med etablerte kunstnarar. Løysinga vart den nedlagde skulen på Flø.
I 2005 tok han over lokala, og i 2007 opna atelieret offisielt. Det var mykje arbeid med oppussing og ombygging. Men då han inviterte til utstilling med verdskunstnaren Damien Hirst, tok det av. Flø var på verdskartet. Sidan har fleire store kunstnarar bidrege til at Flø har blitt ein kultstad. I 2013 vitja til dømes Dronning Sonja galleriet. I 2010 opna han også Moods of Norway-butikk i første etasje i galleriet. Samtidig tok han initiativet til kunstivalen Go with the Flø, som i år kunne feire femårsjubileum. Både TV, radio og riksaviser har fleire gonger vore på Flø.
I 2013 vitja Dronning Sonja galleriet.
