Jan Ove Ulstein er teolog, forfattar, salmediktar og poet. Han har skrive ei rekke bøker og diktsamlingar i sjangrar frå barnebøker til romanar og dikt. Arbeidar i dag som førsteamanuensis ved Høgskulen i Volda.
Jan Ove har vore teolog og dosent i systematisk teologi ved Høgskulen i Volda, der han også har vore rektor (1977-79). Han er forfattar av meir enn 20 bøker. Han har vore konsulent i omsettingsarbeidet med den nye norske Bibelen, og nyleg har han vore medredaktør for boka «Bibeldikt», der 88 av våre fremste lyrikarar har late seg utfordre av Bibelen.
Jan Ove har skrive ei rekke barnebøker, romanar, diktsamlingar og salmar. Han debuterte med dikt, viser og salmar i Slag på berget i 1975. I 2014 kom den 12. diktsamlinga, Det er her det flør. Dette er utvalde tekstar frå dei første fem diktsamlingane 1975–85. Den første romanen, Satyr i katedralen, blei gitt ut i 1997. Her stiller han religiøse og filosofiske spørsmål. Både som forfattar og teolog arbeider han med forholdet mellom kyrkje og samfunn. Ulstein driv Ura forlag (skipa i 2008), som gir ut mange av bøkene hans. Han har omsett fem av salmane i Salmer (1997).
Jan Ove Ulstein har vore redaktør for Tidsskriftet for kirke, religion og samfunn frå 1987 til 2004. Han har gitt ut fagbøker, skrive ei rekke artiklar og vore redaktør for antologiar. Han var mellom anna redaktør saman med Jan Inge Sørbø for Diktet lyser i kvelden. Dikt i utval (2009), som er forfattaren Oskar Stein Bjørlykkes tekstar.
