Jan Berset har sete i formannskap og kommunestyre i Ulstein i over 30 år. Han er inne i den tredje perioden sin som ordførar. Han har vore med på ei storstilt utvikling av lokalsamfunnet.
Jan Berset vart fødd i Ålesund. Familien flytte til Gåseid (Borgund) i 1947. Han drog til Oslo for å studere. Han gifte seg med Evelyn Molvær frå Langevåg i 1967. Dei har to born. Han var ferdig utdanna lektor i 1971, og fekk jobb ved dei nystarta Gymnasklassane i Ulstein på gamle Bjørndals Minne.
Jan engasjerte seg lokalpolitisk i Høgre i 1971. Som eit resultat av hans lokalpolitiske engasjement har han sete i kommunestyret og formannskapet i over 30 år, berre ein periode ute av kommunestyret, då han sat i helse og sosialstyret. Han har vore leiar i teknisk styre og leiar i SSR sitt representantskap, styremedlem i Tussa – og ikkje minst ordførar i snart tre periodar no; frå 1995 til 2003, og frå 2011 til 2015. I desse periodane har han opplevd både oppturar og nedturar (den maritime næringa er syklisk i sin natur), men totalt sett har det vore eit eventyr. Han vore med på dei største og viktigaste avgjerdene i kommunal regi dei siste 30 åra. Det har vore eit tett samarbeid med næringslivet. Jan samarbeidde mellom anna tett med Idar Ulstein.
Over 40 år, ei enorm utvikling, og Ulstein er ikkje til å kjenne igjen. Alt dette har Jan Berset vore med på.
Jan Berset var mellom pionerane ved UVS. Han hadde dei første åra mesteparten av engelskundervisninga og all undervisning i fransk. Seinare vart han tilsett i administrativ stilling og har arbeidd i skuleadministrasjonen i heile si profesjonelle karriere sidan, dei siste seks åra som rektor ved Ulstein vg. skule.
