Ut på hausten var alt ferdig til vigsla. Kallsboka har berre dette med: «Indvielsen i Kirken den 27. Oktober nævnte Aar (1878) med Assistance af de samme Prester, som assisterede udi Hareids Kirkes Indvielse, naar undtages at i Stedet for Sogneprest Jervell i Aalesund fungerede Sogneprest Gleditsch til Volden.»
Biskop Birkelund kunne ikkje møte. Vår sokneprest Christian Henrik Wisløff var konstituert prost og fungerte i staden for biskopen. Prestane som assisterte var: sokneprestane Ludvig Strømme, Herøy, Jakob Sandberg, Sande, Arnt Schøning, Hjørundfjord, Gerhard Øverland, Vanylven, Lars Gleditsch, Volda og Kallskapellan Wilhelm Cato Grieg, Volda.
Litt meir frå kallsboka
Wisløff skriv dette:
«Da man begynte tale om Opførelse af Hareids og Vartdalstrandens Kirker kom man også til at gjenoptage det gamle Prosjekt, hvotil det nu var saa meget større Grund som man havde anlagt Bygdevei til Flø, hvortil Adgangen til Kirken blev betydelig lettere for den veirharde Grærnd.»
Interiør
I åra som er gått sidan kyrkja kom i bruk, har mykje vorte annleis. Skipet har vore det same heile tida med lemen i venstre ende. Aldri så lite brigde har vore gjort med koret. Då sakristiet vart utvida fekk ein to dører dit medan det før var ei.
