Julegryta i Ulstein kyrkje

Innsamling til trengande i Ulstein

Forfattar: Aksel Hauge Levd liv 2019

Oppretta: 16.03.2021 Sist oppdatert: 07.11.2022

I våpenhuset i Ulstein kyrkje står ei stor innsamlingsbøsse (julegryta) like ved inngangsdøra. Bakgrunnen for bøssa var at smed Konrad Simmones laga stativet og lóket på slutten av 1940-talet. Det er eit vakkert utført arbeid av Simmones som i dag pyntar opp våpenhuset i kyrkja.

Bøssa skulle tene til innsamling av midlar til sjuke og gamle i Ulstein under julegrantenninga. Initiativet til julegryta var Nordsjøkammeratane – ein kameratgjeng frå andre verdskrig (sjå nærare omtale i artikkelen om Arthur Osnes).

I dag tener julegryta som innsamlingsbøsse for Ulstein nye kyrkje.

Til inntekt for dei trengande

Det var meint å vere ei julegryte der pengane som kom inn skulle gå til julefeiring for dei trengande i Ulstein eller som det står i faksimilen frå Vikebladet 22. desember 1949: til sjuke og gamle. Gryta var plassert ved sidan av julegrana, og initiativtakarane håpa på eit verdig resultat. Det blei etter kvart vanskeleg å samle inn pengar for sjuke og gamle og ein endra formålet til at pengane skulle gå til julefest for eldre på Ulsteinvik bedehus som blei arrangert av Ulstein kristelege blandakor.

Ein kort periode

Når julegrana blei flytta til Rådhusplenen mot slutten av femtitalet blei tradisjonen med julegryta slutt. Behovet endra seg og det var ikkje lenger behov for å samle inn pengar til julefesten – ei heller til sjuke og gamle.

Julegryta blei etter kvart plassert i våpenhuset i Ulstein kyrkje, og der står den i dag like til venstre ved utgangen av våpenhuset. Om du legg pengar i julegryta i dag, går det til innsamling for Ulstein nye kyrkje.

Faksimile Vikebladet 22.12 1949.

Artikkelforfattar

Aksel Hauge

Aksel Hauge, f. 1936 i Ulsteinvik, har vore aktiv i kommunepolitikk i over 20 år og i kultur- og losjearbeid i over 60 år. Han var skipsrørleggar ved Ulstein Verft i 47 år. Han har vore medlem av Ulstein mannskor i over 60 år og er æresmedlem. Han har sete som leiar i Ulstein Historielag i mange år og har styrt arbeidet med Levd liv. Han fekk kulturprisen for Ulstein kommune 2008 og Kongens fortenestemedalje i 2012. Har skrive fleire artiklar i Levd liv. Aksel døydde 1. mars 2022.

Levd liv 2019

Artikkelen er henta frå Levd liv 2019

Ein vital hundreåring – IL Hødd feirar 100 år i 2019
Jubeldag trass tap
Vorane i Ulstein
Postbonden Peter Elias Pederson Botnen
Marit Høyvik Ulstein – Til kamp for dei svakaste
Mi speiartid
Jul og juletradisjonar
Johan von Cappelen
Då krigen kom til Garnes – 23. mars 1943
Inge Dragsund
Lastebilar i Ulstein
Ulstein samfunnshus A/L
Prestegardsskogen – Lerkeskogen på Dimnøya
Arthur Osnes i krig og kjærleik
Bygdesongar i Ulstein
Julegryta i Ulstein

Om noko i artikkelen er feil eller du har tilleggsopplysningar eller aktuelle bilde, så er det fint om du melder til post@ulsteinhistorielag.no

Pluss-medlem

Medlemskap i Ulstein Historielag
Årleg utgåve av tidsskriftet Levd liv
Digital tilgong til alle artiklar