Eit foto fortel

Forfattar: John Osnes

Oppretta: 19.11.2022

I 2021-utgåva av Levd Liv, hadde me eit foto av Olav Hjertenes teke 17. mai 1960. Artikkelen om dette fotoet hadde tittelen «Eit foto fortel». I artikkelen hadde me også med ein biografi om Olav Hjertenes. I år presenterer me eit nytt foto av Hjertenes.

Fotoet er teke cirka 1970 og viser Høddvoll-området. Fotoet er utlånt av Johanne Sølvi Bøe, mangeårig medlem av styret i Ulstein Historielag og ivrig Hødd-supportar.

Denne er artikkelen står i årets utgåve av Levd liv. Ved å bli medlem i Ulstein historielag får du årets utgåve av Levd liv og Årskalendar for 2023 med lokale motiv.

Høddvoll og kringliggande område.

Foto: Olav Hjertenes

Høddvoll og kringliggande område. La oss bli litt meir kjend med noko av det vi ser.

Hødd vart skipa 1. august 1919. Første året leigde Hødd ei mark av Benjamin Osnes ute på Os-haugen (Gard nr. 7, bnr. 3 på Osnes). Men så kjøpte klubben eit areal av Martinus Molvær oppe på Støylane (Gard nr. 109, bnr. 2).

I 1948 får Hødd sitt første skikkelege klubbhus bak grusbana på Høddvoll. Før den tid, hadde klubben brukt loftet på gamlestova på Støylane til klubbhus.

Etter mange år med stor dugnadsinnsats og dårleg økonomi, vart endeleg den nye bana opna 30. juni 1963 med stor festivitas og fotballturnering mellom VRF, Ørsta, Langevåg og Hødd. Den nye bana kosta 200 000 kroner.

Det nye klubbhuset stod ferdig i 1966 og var eit praktbygg med moderne garderobar, dusjar og eit stort møterom. Ulstein Trelastlager var byggherre for det nye klubbhuset.

Tribune vart det også på den nye grasbana, men berre fire trinn var ferdige til opninga. Seinare vart tribunen utvida med fleire trinn i fleire omgangar. Dei siste åtte trinna vart ferdigbygde til fot-ballsesongen 1967.

Bli medlem

Ulstein Historielag har som føremål å skape interesse for og innsikt i vår lokale historie. Laget skal arbeide for å auke kunnskapen om vår lokale kulturarv, og arbeide for å ta vare på kulturminna i bygdene våre.

Forteljinga om Ulstein handlar om framsynte folk i ulike næringar, om politikarar og kommunetilsette som såg fram i tid og kva som var nødvendig i samtida; ikkje minst er Ulstein forteljinga om ein industri som fekk internasjonale dimensjonar. Men det er også historia om kultur og folkeliv, foreiningar og lag, ei idrettsrørsle i vekst og samling om kyrkje og bedehus.

Ditt medlemskap i Ulstein historielag støttar det viktige arbeidet om å ta vare på fortellinga om Ulsteinsamfunnet. Vi ynskjer deg velkomen som medlem.

Som Pluss-medlem får du

Årets utgåve av Levd liv
Tilgong til over 250 artiklar på nett
Kalendar for 2023 med lokale motiv

Bli medlem i dag

Helsing leiar Lars Inge Breivik

Artikkelforfattaren

John Osnes er fødd i 1947 i Ulsteinvik. Han er utdanna veterinær og har vore aktiv i politikk og kulturliv i Ulstein. Han er mellom anna interessert i lokalhistorie, og har skrive artiklar i Levd liv tidlegare òg.

Om noko i artikkelen er feil eller du har tilleggsopplysningar eller aktuelle bilde, så er det fint om du melder til post@ulsteinhistorielag.no