Sakristiet har og vorte utvida, med ein gang over heile breidda bak koret, og så avdelt i to rom, eit sakristi for presten og eit dåpsventerom. Mellom roma er eit brei dør, slik at mindre samkomer kan haldast der.
I sakristiet er eit skap der messekleda heng: messeskjorte og messehakal. Av siste slaget er her to eldre med raud fløyels botnfarge og påsauma en gyldt kross på ryggsida.
Så er her ein ny frå 1966. Botnfargen på den er kvit. Han har fint innvovne bordar. På framsida er ei lutherrose og på ryggside bokstavane IHS i gulltråd. Arkitekt E. Vaardal-Lunde har teikna, og arbeidet er utført av Antonie og Karl Hatlø. Jonna Vik som i mange år var pedell i kyrkja, har måla eit målarstykke Hyrdingen og lammet. Det heng i romet. Det er ein motiv som ikkje berre talar til presten.
For dåpsventeromet kunne ho ikkje velje noko betre: Jesus velsignar småborna. Til dette romet kjem mødrene med borna som skal døypast. Her er det lunt og varmt og her kan vorna verte stelte. Er du i fylgje med kyrkjetenaren kan det hende han syner deg eit fint teppe, brudeteppet. Når det ikkje er i bruk, ligg det verna i ein benk. Husmorlaget gav det til 70-årsjubileet i 1948. Karl Strauma frå Ørsta teikna, og Magnhild Nesset etter vov den same golvteppet innafor altarringen. Også det stod husmorlaget føre. No kan du sjølv finne ut dei kristne symbola som er nytta i dekoren.
Mange ser og hjelper til
Gravstaden kring kyrkje vart for liten. Her var ikkje råd til å utvide heller. Så kom gravstaden på Osnes. Før jordfesting samlast folket til syrgjehøgtid i kyrkja, for på Osnes er berre eit lite klokkehus. Klokka der har inskripsjonen: «Jesus seier eg er oppstoda og livet. Johs. 11,25 Osnes Kyrkjegard. Nauen pr. Tønsberg 1924». Utstyret i kyrkja var lenge ikkje så rart. I 1960 fekk soknerådet laga ein katafalk og Antonie Hatly sauma det vakre katafalkteppet.
Gjennom åra har ei og anna glasrute måtte skiftast ut. Dei nye rutene skilde seg så altfor mykje ut frå dei eldre. Dette såg fru Inga Ulstein og gav i 1972 10.000 kr, og no er det Goethe-glas i alle fag. Samstundes gav Judith og Torvald Bjørndal 2.500 kr til stolar framme i koret.
Me ser at kyrkja har fått mange gåver til nytt og prydnad gjennom alle tider. Dei som har gjeve, har vore glade i kyrkja si. På same måten får me høve til å føre arven vidare.
