Om det har vore fleire meiningar. Ei tid såg det ut til at dei som meinte at kor og skip var jambreie, hadde rett. Andre meinte at ho hadde eit særskilt og smalare kor. Under utgravinga kom dei gram på nokre murblokkar og den særaustre hjørnesteinen til skipet som gjorde grunnforma klar.
Grunnmuren vart lagd på aurhella, og over grunnmuren kom veggene bygde som kistemur. Det vil seie at det vart laga ein ytre mur og ein indre mur. Mellom desse to vart fylt ut med ringare steinlag i ei blanding av leska kalk og leire. Dette var sementen den gongen. Veggene vart så kalkslått både inne og ute. Kunne værta haldast ute, vart dette ein sterk mur. Framleis finne me steinar frå veggene som har kalkslag feste til seg.
Opningane for dører og vindauge var kransa med marmorstein, øvet med ein runding som ein halvsirkel. Opningane for vindauga var smale ytst og breidna inn mot skipiet. Det gav mest lys. Kor mange slike opningar her var, veit me ikkje. I lang tid var hovudinnganen i vest, seinare kom hovudinngangen i nord då våpenhus av tre vart bygt der. Så har det vore ei dør inn til koret, prestedøra som ho gjerne vart kalla.
