Peder F. Waage gjorde ein omfattande innsats som forretningsmann, kulturformidlar, lokalhistorikar og forfattar. Han var gift med Jorun Emilie f. Holm frå Oslo, fire born.
Av utdanning hadde han realartium, radioskule, engelsk krigsskule, økonomisk studentfagkurs og NGF kurs for sal av gullsmedvarer. Han rømde til England med «Fiskaren» i 1941 og hamna i Skottlandsbrigaden. Han var radiotelegrafist, områdesjef hærens samband i Stavanger, instruktør ved radioskulen på Jørstadmoen, Seinare arbeidde han også som rekneskapsførar/revisor, kommunerevisor Ulstein kommune og forsikringsagent.
I 1951 starta han butikken PF Waage, der han mellom anna handla med gullsmedvarer. Butikken er den dag i dag ein institusjon i Ulsteinvik.
Han hadde ei rekke verv: styremedlem Sunnmøre Museum, Sunnmøre Historielag, Ulstein sogelag, vassverket, bygdeboknemnda, gatenamnnemnda, 1000 års nemnda for slaget i Hjørungavåg, kontaktmann for Bergen Museum. Han samla gamle ting, gamle ord/uttrykk og stadnamn. Han fekk også i stand utgraving der saman med mellom andre Ulstein Rotary. Saman med finnen Runar Lønnqvist var han med og tok initiativet til vennskapsband Ulstein-Pargas, Han var rotarianar, kåsør, amatørkunstmålar og medlem av Ulstein Mannskor. Av prisar fekk han mellom anna Paul Harris og Ulstein Kommunes kulturpris.
Peder Fritz skreiv ei rekke bøker og hefte med lokalhistoriske innhald: Ulstein Kommunale Elektrisitetsverk 50 år (1967), Ulstein Kyrkje gjennom tidene (1978), Slaget ved Hjørungavåg (1986), 75 år under kløvermerket, Ulstein Sanitetsforening (1987), Musikklaget Ulf, kulturberar gjennom 100 år (1993), Ord og Tradisjon, ei samling ord og uttrykk, segner og legender (1997).
