Magnus og Lisbet Rise frå Øvre Rise på Hareid

Magnus dreiv handel på Ullahammaren i Haram og kom til Rise i 1825. Han var då gift med Synnev Ellingsdtr Øvrelid (1788-1825) som var dotter til Elling Jetmundson Kvistad (1758-1828) og Guri Gulliksdtr Bjåstad (1756-1812). Dei budde på Øvrelid, bruk 4, «Gardsholgarden». Synnev døydde i barselseng i 1825, 37 år gammal. Dei fekk ikkje born. Magnus gifte seg så opp att med Lisbet Torgeirsdtr Fjelle, som var dotter til søskenbarnet hans Torgeir Larsson Fjelle og kona Brit Larsdtr Dimmen. Lisbet og Magnus fekk sju born.

I 1826 gav Magnus plassetel til føremannen Knut og overtok sjølv gardsdrifta på Rise. Husa på garden vart til nedfalls og Magnus bygde ny stove av gråstein. Huset vart ofte brukt til møtelokale både for formannskapet og kommunestyret. Då Ulstein sparebank vart oppretta, var hovudkontoret her i mange år, og huset vart kalla Risebanken. Huset står som eit prakthus den dag i dag.

Magnus var ein aktiv samfunnsborgar. Ved det første heradstyrevalet i 1837 vart han innvald i formannskapet og vart varaordførar. Han var med i fleire valbolkar og arbeidde for å få gjennomført mange nye tiltak i bygdene. Han var med i forlikskommisjonen og var verje for Hareid kyrkje. I 1846 la Magnus fram for heradstyret ein plan for tilsetting av privatlege på fast løn. Han foreslo at legen skulle føre tilsyn med alle sjuke i heradet, både «formuende og uformuende» utan anna godtgjersle frå pasientane enn fri skyss og betaling for medisin. Løna skulle legen få frå heradet. Det vart mykje diskusjon om forslaget, og det enda opp med at heradstyret meinte dette ville bli for dyrt for Ulstein. Dei ville at Herøy herad skulle med i avtalen og dele på kostnadane. Slik vart det, og lege vart tilsett. Magnus ivra også for folkeboksamlinga og la fram forslag til omorganisering av utlånsreglane for heradet si boksamling.

I 1851 braut Magnus og Lisbet opp, selde garden, og reiste til Amerika med heile huslyden. Berre eldstesonen Nils vart verande att heime.

Mange meiner at Magnus ragar høgst av emigrantane som reiste frå Ulstein og Hareid til Amerika. Han var ein bygdehovding med eit omfattande politisk engasjement. Han var veletablert, men likevel brende han alle bruene og la ut på ei vågal ferd ut i det ukjende.

Lisbet og Magnus reiste over Atlanteren i ein seglbåt saman med fleire familiar frå heimtraktene. Magnus ønskte å ta med ei ku på båten, men ein av dei andre familiane hadde alt fått med ei ku om bord, så det vart ikkje plass til Magnus si. Han var lei seg for at kua måtte bli att i Noreg. Dei segla frå Bergen 18. mai 1851 og kom til New York 3. juli 1851. 4. juli vakna dei til kanondrønn og fyrverkeri. Amerika feira nasjonaldagen. Immigrantane var ikkje klar over dette, og trudde det var eit slag mellom indianarar og kvite i gang. Fleire ville på land for å kjempe, men dei let seg overtale til å bli att på båten. Dei kom i land 5. juli og fann ut at New York var ein fredeleg by. Då dei spurte korleis slaget med indianarane gjekk dagen før, fekk dei melding om at Amerika feira sin uavhengigheitsdag, og at indianarane ikkje plaga nokon.

Frå New York reiste dei først med tog, så med elvebåt og til slutt med kjerre til dei kom fram til Sugar Creek i Iowa 4. august 1851. John Rice vart fødd den dagen dei kom fram. Familien budde i Sugar Creek ei stund, og flytta så til Keokuk i Iowa før dei busette seg for godt i St. Peter, Minnesota. I Iowa budde dei saman med kvekarar som dei kom svært godt overeins med, og som fekk djup respekt for dei.

Magnus var frimurar. Han kunne lese utan briller sjølv då han vart gammal. Han var svært aktiv på sine eldre dagar og bygde til dømes ein båt etter at han fylte 90 år. Han døydde i Blue Earth County, Minnesota 92 år gammal den 18. februar 1885.

1. Nils Magnusson Rise (1827-1914) g. Lydianne Engeset – overtok farsgarden på Rise
2. Berte Kristine Magnusdtr. Rise (1830-1897) g. Andreas Rise – til Amerika, busett St. Peter, MN
3. Hans Emanuel Magnusson Rise (1832-1878) g. Christena – til Amerika, busett St. Peter, MN
4. Marie Larentse Magnusdtr. Rise (1835-1895) g. Benoni Farley – til Amerika, busett St. Paul, MN
5. Tobias Lorits Magnusson Rise (1837-1891) g. Addie – til Amerika
6. Lisbet Marie Magnusdtr. Rise (1844-1871) g. Thor Paulson – til Amerika, busett Blue Earth, MN
7. Ingeborg Regine Magnusdtr. Rise (1848-ukjent dødsdato) – til Amerika

Alice M Korn, oldebarnet til Lisbet og Magnus, skriv i innleiinga til slektsboka ho laga i 1972:

Magnus Nelson Rice was born Feb. 16, 1793 in Norway. He was married in Norway but I don’t know his wife’s name. They had six children, namely: Nels, Tobias, Hans, Bertha, Mary and Jane. Magnus left Bergen, Norway May 18, 1851 with his entire family, except their oldest son, Nels Ruse, who never came to America but preferred to remain in Norway.

Bertha Ruse, our grandmother, and her husband, Andrew Ruse, our grandfather, and their one and a half year old daughter, Martha, also came with the family group.

Several families from the same neighborhood in Norway came to America in the same sailboat. They packed as much of their belongings as possible in the sailboat. Our great-grandfather wanted to take his cow but one of the neighborhood families had already put his cow on the boat and there wasn’t room for great grandfather’s cow. He regretted that his cow had to be left in Norway.

The day after Norway’s Independence Day, May 18, 1851 their sailboat left Bergen, Norway for America. They arrived in New York Bay the night of July 3, 1851 and anchored out in the Bay until the morning of July 5.

Early in the morning of July 4, New York started celebrating the ”Fourth of July” with the traditional firing of cannons. The sound of the guns, firecrackers, and noise of the celebration in general was heard by the folks anchored in the Bay. The fireworks in the evening were also watched with awe and interest. The folks in the sailboat thought a battle with the Indians was in progress. Some of the young men wanted to go ashore and join the fight, but after much persuasion it was decided they should stay in the Bay until the ”battle” was over. When they went ashore on the morning of July 5 they found New York to be a rather quiet city. They asked some of the folks on the street how the battle with the Indians turned out. The surprised men of the streets told them it was ”Independence Day” they had celebrated and there was no battle. The Indians molested no one.

From New York the family proceeded by train a part of the way, then by canal boat and finished the journey by stagecoach. They arrived at Sugar Creek, Iowa Ang. 4, 1851 where Uncle John was born that day to Bertha and Andrew Ruse. The family lived at Sugar Creek, Iowa for a time and also at Keokuk, Iowa before coming to St. Peter, Minnesota in 1856. In Iowa they lived in a Quaker community. The people were very religious and kindhearted and good neighbors. The Ruse family had lots of respect for their Quaker neighbors.

The English translation of Ruse is Rice. When the children attended school the teachers spelled their name Rice, so finally the family changed the spelling of their name from Ruse to Rice. The Rice family went to St. Peter, Minn. in 1856 and they lived there a year or two. While there sorrow came to their home. Their two and one-half year old daughter, Lovisa Marie, died on October 30, 1856. She was buried two or three miles northwest from St. Peter, Minn. She was born in Iowa April 29, 1854.

Great Grandfather Magnus Nelson Ruse was born Feb. 16, 1793 in Norway. He was a very aristocratic, dignified leader. In Norway many of his neighbors sought his advice when they had problems. At one time he represented his home district in their government. He was a member of the A.F. and A.M. (Masons).

In his latter years he could read without glasses. He was very active for his age. After he was ninety years old he built a very good boat. He died Feb. 18, 1885 in Blue Earth County, Minnesota at the age of ninety-two. His wife passed away a few years before he did, but I haven’t the date nor any record of her, but there is a photo of our great grandparents in our old family album. They are our maternal great grandparents.

Nils Rise var eldste son til Magnus og Lisbet Rise. Det var meininga at han skulle reise etter foreldra og dei andre søskena til Amerika, men han kjøpte tilbake garden og vart verande. Han var gift med Lydianne Pedersdtr Engeset. Ho var dotter til Peder Arneson Engeset og Olave Marta Habostad. Foreldra kom til Ulstein i 1832 og bygsla garden Breivikgjerdet.

Som far sin var også Nils med i bygdestyringa. Han var såleis med i formannskapet i periodane 1866-68 og 1868-70.

Lydianne og Nils fekk sju born:

1. Manuel Laurits Rise (1851-1922) g. Else Marie Wickstrøm– til Trondheim og Oslo
2. Else Pauline Rise (1852-1948) g. Lars Nedrelid – til Engene, Hjørungavåg
3. Kristiane Rise (1854-1924) g. Lars Fiskarstrand Hareide – til Hareide, Hareid
4. Anna Christina Rise (1856-1934) g. Anders Overn – til Ås, Modum og Kongsvinger
5. Thora Bergitte Maria Rise (1858-1956) ug. – til Ås, Modum, Ålesund og Kongsvinger
6. Hans Nikolai Wraaman Rise (1861-1939) g. Laura Hovden – overtok farsgarden
7. Nils Ludvig Rise (1866-1942) g. Bergitte Pilskog – til Pilskog, Hjørungavåg

• Bygdebok for Ulstein og Hareid, band VI (Ingvald Bjåstad og Asbjørn Waage)
• Ulstein og Hareid i Amerika. Ei lita emigrantsoge (Knut J Hasund og Asbjørn Waage)
• The RICE Family Tree Beginning 1793 (Alice M Korn)