Ulstein kristelege blandakor

14.september i 1945 vart «Sunnmøre  Kristelege Songarlag skipa.» Her var dirigentane Johan Sæter og Guttorm Hareide med i det første styret. Dei to  var aktive dirigentar for kor i Ulstein  og Hareid 19 aktive kor vart med i samskipnaden. I alle år har desse kora ytt eit sjølvgløymande kulturarbeid. Det var mykje viktig å få dugande dirigentar. Det er morosamt å lese at det vart innkjøpt ein magnetofon som gjekk på omgang mellom kora, der dei kunne lære av kvarandre. Høgdepunktet i songlaga sitt arbeid var dei årvisse songarstemna som vart haldne først i juni. Johan Sæter vart første formannen i samskipnaden. Nokre år seinare var Guttorm Hareid vald.

I 1947 leia Johan Sæter Ulstein kr. blandakor i ein korkonsert i NRK. Koret hadde då hatt ein god arbeidsbolk, og det var god balanse mellom dei ulike stemmene. Koret vart oppteke på band og sendt til NRK , som sende konserten. Ein av korsatsane var «Mori syng» av Peter Eiken, som sende takkehelsing for songvalet  og kvaliteten av framføringa

I åra framover var det fleire dirigentar som tok hand om koret. I tida fram til 1968 var desse dirigentar: Johannes Saunes, Oddmund Ulstein, Øyvind Tvetene, Leidulv Grimsmo og Oddmund Indreide.

Eit kor som skal fungere godt, må også ha formenn. Det er dei som må ha kontakt både innover i koret og utover. Desse har vore formenn i ko ret til ulike tider: Oddmund Ulstein, John Ulstein, Ole Lars Ulstein, Leif Skeide og Gunnvor Mork. I 1958 og 1959 gav Hampus Huldt Nystrøm ut to bøker som han kalla «Sangerliv I og II», eit verk om korsongen i Norge. I samband med desse bøkene sende han ut ei melding til alle kor i landet om å sende inn bilete av koret og om kva tid koret vart skipa og kven som hadde vore dirigentar i den tida kora hadde vore aktive. Spørsmålet kom i den tida Magne Grimstad var dirigent, og formannen sytte for at både opplysningar om ko ret og bilete vart avsendt. Såleis kom koret med i «Songarliv II». Der fekk ein vite når koret var skipa og kven som hadde vore dirigentar fram til 1958, og kven som var med i koret i 1959.

Etter Magne Grimstad tok Birger Ulstein over taktsokken og leia koret i 22 år framover. Det var dei same kor- medlemene som før, og aktivitetane heldt fram lenge. I 1982 hadde koret 50-års jubileum. Til dette jubileet vart koret styrkt med fleire songarar.

Øvingskveldane hadde i alle år ei fast rytme, og eit fast ritual. Var det nye songar som skulle øvast inn, tok øvingskvelden til med stemmeøving. Bedehuset hadde både orgel og piano. Såleis vart to stemmer øvd inn på same tid. Var det spurnad om å vere songinnslag på møte eller festar, tok ein fatt på arbeidet med å finne den beste klangen og reinleiken i koret.

Kvar øvingskveld vart avslutta med  andakt. Her gjekk oppdraget på om- gang mellom kormedlemene. Etter kvart fall gamle kormedlemer i frå, og nye kom ikkje til, så koret slutta for godt i 1991. Då hadde også dirigenten nått sitt otium.

Når koret tok på seg større korsatsar som hadde soloinnslag, var ein så heldige at ein hadde fleire som             kunne ta på seg dei oppgåvene. Her må vi nemna Randulf Saunes, Birger  Ulstein, Audhild Wigg og Kjartan Grimstad. Særleg må det påskjønast den  innsatsen Hallbjørg Hop ytte ved orgelkrakken og pianoet. Ho var den    sjølvskrivne tonefylgjaren i årevis, ja, så lenge koret eksisterte.

Under den store vekkinga i 30-åra kom mange med i koret, såleis også Johannes Saunes og kona hans, Ingrid. Johannes var ein svært musikalsk mann, og ein god bass. Han  hadde også ei åre i seg til å skape korsatsar, som også vart nytta.

Påskesamling i Ulstein kyrkje

Ein gong i 1960-åra hadde vi mange arrangement som vi planla og stod for sjølve. Kvar gong vi hadde slike samlingar, hadde vi skriftlege planar for kva vi ville ha med. Her er eit døme frå ei påskesamling i Ulstein kyrkje.

Velkomstord ved formannen

Salmesong

Skriftlesing v/ John Ulstein

Salmesong

Skriftlesing v/ Ole Lars Ulstein

Korsong: «Kvi skjelv kvart lauvblad»

Skriftlesing v/ Oddlaug Ulstein

Korsong: «Under korset stod»

Skriftlesing v/ Oddny Holte

Korsong «Så har Gud elsket verden»

Skriftlesing v/ Leif Skeide

Korsong 95. Davidsalmen. «Kom lat oss juble for Herren»

Skriftlesing v/ Magne Grimstad

Korsong «Gå til Jesus kvar og ein»

Avskilsord og bøn v/ Oddmund Ulstein

Postludium

I dette høve var det song og skriftlesing frå galleriet. Salmane var sjølvsagt påskesalmar. Og innhaldet i    skriftlesinga var også frå påska. Korsongen var direkte forkynnande.