Slipp på Håkonsholmen
Starten på skipseventyret i Ulstein
Alt i 1889 sette han seg opp smie og kjøpte seg smedutstyr. Smia er den same som står på vestsida av sjøbua no.
Alt i 1889 sette Sigvald Håkonsholm seg opp smie og kjøpte seg smedutstyr. Smia er den same som står på vestsida av sjøbua no. Her tok han mellom anna på seg jobbar med å klargjere båtar.
Slippen sin laga han til i 1905. No kunne han ta båtane på land på ein nokså enkel måte. Slippen var den første i sitt slag i Ulstein – og kom til å gi retning for viktige delar av næringslivet i kommunen vidare.
Hjelp oss å ta vare på fortellinga om UlsteinDette er ein open artikkel. Om du ynskjer å lese dei andre artiklane om grunnskulen i Ulstein og alle andre artiklar på nettsida, må du bli PlussMedlem. I tillegg får du årets utgåve av Levd liv. Og som ny medlem får du ein kalendar med bilde frå alle krinsane. Bli medlem i Ulstein historielag! |
Skipseventyret i Ulstein starta på den vesle øya Håkonsholmen. I 1905 låg det til rette for den første slippen i Ulstein.
Slippen låg i ei naturleg renne på nord-aust sida av Håkonsholmen.
Mannen som stod bak var Sigvald Håkonsholm (1859-1949). Han var ein ekte gründer og raskt ute med å ta i bruk det nye som kom.
Sigvald vart fødd på Borgarøya, men i 1862 kjøpte familien Håkonsholmen og slo seg ned der.
Sigvald gifte seg med Ingeborg Håheim i 1886.
Ingeborg og Sigvald fekk fem born i lag.
Alt i 1889 sette han seg opp smie og kjøpte seg smedutstyr. Smia er den same som står på vestsida av sjøbua no.
Slippen på Håkonsholmen var i drift til 1948. Då Marius Kleven starta opp slipp i Køyla, kjøpte han spelet og utstyret frå Håkonsholmen.
Staka ut kursen for Ulstein
I åra frå 1910 dreiv Sigvald og sonen Ole ei nokså bra monteringsverksemd. Dekksbåtane den første tida var ikkje så store, gjerne frå 30 til 45 fot.
Mange nybygde båtar med eigarar frå Herøy og Sande, ja, heilt frå Stadlandet, vart henta til slippen på Håkonsholmen og fekk overhaling og ferdigstilling. I den første tida hadde ikkje slippen motorar å drage opp båtane med, men seinare monterte dei ein fire hestar Møllerup for å dra spelet.
Slippen på Håkonsholmen var i drift til 1948. Då Marius Kleven starta opp slipp i Køyla, kjøpte han spelet og utstyret frå Håkonsholmen. Såleis kan vi seie at Sigvald Håkonsholm staka ut kursen for Ulstein på meir enn ein måte.